चालू घडामोडी स्पेशल टेस्ट 32 | Current Affairs Special Test 32

● केंद्र सरकारने रवनीत कौर यांची भारतीय स्पर्धा आयोगाच्या (Competition Commission of India: CCI) अध्यक्षपदी नियुक्ती केली केली आहे.
● अशोक कुमार गुप्ता यांनी ऑक्टोबर 2022 मध्ये पद सोडल्यापासून CCI सदस्या संगीता वर्मा अध्यक्षपद सांभाळत उठत होत्या.
● रवनीत कौर या 1988 बॅचच्या पंजाब केडर आयएएस अधिकारी आहेत. त्यांना 5 वर्षे किंवा वयाची 65 वर्षे पूर्ण होईपर्यंतचा कार्यकाळ मिळेल.

● भारतीय स्पर्धा आयोग (Competition Commission of India: CCI):
● ही स्पर्धा कायदा, 2002 ची अंमलबजावणी करण्यासाठी जबाबदार असलेली भारत सरकारची वैधानिक संस्था असून तिची स्थापना मार्च 2009 मध्ये करण्यात आली.
● राघवन समितीच्या शिफारशींनुसार ‘मक्तेदारी आणि प्रतिबंधात्मक व्यापार व्यवहार कायदा, 1969’ (MRTP Act) रद्द करण्यात आला आणि त्याची जागा स्पर्धा कायदा, 2002 ने घेतली होती.
● आयोगामध्ये एक अध्यक्ष आणि सहा सदस्य असतात ज्यांची नियुक्ती केंद्र सरकार करते.
● CCI ही एक अर्ध-न्यायिक संस्था आहे.

● मंत्रालयाने LIFE साठी दोन समर्पित पोर्टल विकसित केले आहेतः मिशन LiFE पोर्टल आणि मेरी LIFE पोर्टल.
● दैनंदिन जीवनातील साध्या कृतींच्या प्रभावावर भर देऊन पर्यावरणाचे रक्षण करण्यासाठी नागरिकांची, विशेषतः युवांची शक्ती प्रदर्शित करणे हे मेरी लाइफ अॅपचे उद्दिष्ट आहे.

● बी.पी. कानूनगो हे RBI चे माजी डेप्युटी गव्हर्नर आहेत.

● जागतिक मत्स्यपालन परिषद इंडिया 2023 या 2 दिवसीय परिषदेचे उद्घाटन केंद्रीय मत्स्यव्यवसाय, पशुसंवर्धन आणि दुग्धव्यवसाय मंत्री परशोत्तम रुपाला येत्या मंगळवारी अहमदाबाद येथे करतील.
● 21 & 22 नोव्हेंबर दरम्यान ही परिषद आयोजित करण्यात येणार आहे.
● या परिषदेची संकल्पना ‘सेलिब्रेटिंग फिशरीज अँड एक्वा कल्चर वेल्थ’ ही आहे.
● फलदायी चर्चा, बाजारातली अंतर्दृष्टी आणि नेटवर्किंगसाठी महत्त्वाच्या भागधारकांना एका व्यासपीठावर आणणं, हा या परिषदेचा उद्देश आहे.

● भारताची स्थापित अक्षय ऊर्जा क्षमता एकूण 169 GW आहे.
● सौर उर्जा – 64.68 GW
● जलविद्युत – 51.79 GW
● पवन ऊर्जा- 42 GW
● जैव उर्जा – 10.77 GW
● 2030 पर्यंत बिगर-जीवाश्म स्रोतांमधून 500 GW स्थापित वीज क्षमता गाठण्याचे सरकारचे उद्दिष्ट आहे.

● 9 ऑक्टोबर 2022 रोजी गुजरातमधील मेहसाणा जिल्ह्यातील मोढेरा हे गाव भारतातील पहिले सौरऊर्जेवर चालणारे गाव म्हणून घोषित करण्यात आले.

● केरळ सरकारने आपली राजधानी थिरूवनंतपुरम हे भारतातील सर्वात मोठे सौर शहर (Solar City) बनवण्यासाठीचा प्रकल्प सुरू केला आहे.
● गुजरातमधील गांधीनगर देखील अशा प्रकारचा प्रकल्प राबवत आहे.
● तिरुवनंतपुरममधील प्रत्येक छताला सौरउत्पादन केंद्रात रूपांतरित करण्याचा हा प्रकल्प आहे.