1 फेब्रुवारी – घटना
1689: गणोजी शिर्के यांच्या मदतीने मुघल सरदार शेख नजीबखान याने छत्रपती संभाजी महाराजांना कैद केले.
1835: मॉरिशसमधे गुलामगिरी प्रथेचा अंत.
1884: ऑक्सफर्ड इंग्लिश डिक्शनरीची पहिली आवृत्ती प्रकाशित झाली.
1893: थॉमस एडिसनने पहिल्या चलचित्रपटाची निर्मिती पूर्ण केली.
1941: डॉ. के. बी. लेले यांनी गुरुकिल्ली हे जादुविद्येला वाहिलेले मराठी भाषेतील पहिले नियतकालिक सुरू केले.
1946: नऊ शतकांची राजसत्ता बरखास्त करुन प्रजासत्ताक बनण्यास हंगेरीच्या संसदेने मान्यता दिली.
1956: सुधी रंजन दास यांनी भारताचे 5वे सरन्यायाधीश म्हणुन कार्यभार सांभाळला.
1964: प्र. बा. गजेन्द्रगडकर यांनी भारताचे 7वे सरन्यायाधीश म्हणुन कार्यभार सांभाळला.
1966: स्वातंत्र्यवीर सावरकर यांनी अन्नपाणी व औषधे वर्ज्य करुन प्रायोपवेशनास प्रारंभ केला.
1979: 15 वर्षे विजनवासात काढल्यानंतर ईराणचे आयातुल्ला खोमेनी तेहरानला परतले.
1981: ऑस्ट्रेलिया व न्यूझीलंडमधील एक दिवसीय क्रिकेट सामन्यात शेवटच्या चेंडुवर न्यूझीलंडला ६ धावा हव्या असताना ग्रेग चॅपलने आपला भाऊ ट्रेव्हर चॅपलला अंडरआर्म बॉल टाकण्यास सांगितले. ट्रेव्हरने चॅपलने तसा चेंडू टाकला व ऑस्ट्रेलियाने सामना जिंकला परंतु यानंतर अंडरआर्म गोलंदाजी बेकायदा ठरवण्यात आली.
1992: भोपाळच्या मुख्य न्यायाधीशांनी युनियन कार्बाइडचा मुख्य अधिकारी वॉरेन अ‍ॅंडरसन याला फरारी घोषित केले.
2003: अंतराळातून परतताना स्पेस शटल कोलंबियाचा स्फोट यात भारतीय वंशाच्या कल्पना चावला यांच्यासह सहा अंतराळवीर मृत्युमुखी.
2004: मक्‍का येथे चालू असलेल्या हज यात्रेत चेंगराचेंगरी होऊन 251 यात्रेकरू ठार तर 244 लोक जखमी झाले.
2013: जागतिक बुरखा/हिजाब दिनाची स्थापना करण्यात आली.
1 फेब्रुवारी – जन्म
1864: अमेरिकन वनस्पतीतज्ञ, शिक्षणतज्ञ, संशोधक आणि शास्त्रज्ञ जॉर्ज वॉशिंग्टन कार्व्हर यांचा जन्म. (मृत्यू: 5 जानेवारी 1943)
1884: महामहोपाध्याय, वैदिक साहित्याचे अभ्यासक व मराठी कोशकार विद्यानिधी सिद्धेश्वरशास्त्री विष्णू चित्राव यांचा जन्म. (मृत्यू: 6 जानेवारी 1984)
1901: अमेरिकन अभिनेता क्लार्क गेबल यांचा जन्म. (मृत्यू: 16 नोव्हेंबर 1960)
1912: संपादक, चित्रपट अभिनेते, लेखक, नाटककार, कादंबरीकार, कथाकथनकार, गायक, कवी आणि गीतकार राजा बढे यांचा जन्म. (मृत्यू: 7 एप्रिल 1977)
1917: चित्रपट अभिनेते व स्वातंत्र्यसैनिक ए. के. हनगल यांचा जन्म. (मृत्यू: 26 ऑगस्ट 2012)
1927: ज्येष्ठ समीक्षक मधुकर दत्तात्रय तथा म. द. हातकणंगलेकर यांचा जन्म. (मृत्यू: 26 जानेवारी 2015 – सांगली)
1929: ज्योतिर्भास्कर, लेखक व उद्योजक जयंत साळगावकर यांचा जन्म. (मृत्यू: 20 ऑगस्ट 2013)
1931: रशियन फेडरेशनचे पहिले अध्यक्ष बोरिस येलत्सिन यांचा जन्म. (मृत्यू: 23 एप्रिल 2007)
1960: अभिनेता जॅकी श्रॉफ यांचा जन्म.
1971: क्रिकेटपटू अजय जडेजा यांचा जन्म.
1982: पाकिस्तानी क्रिकेटपटू शोएब मलिक यांचा जन्म.
1 फेब्रुवारी – मृत्यू
1976: क्‍वांटम मॅकॅनिक्स मधील मूलभूत संशोधनासाठी नोबेल पारितोषिक मिळवणारे जर्मन भौतिकशास्त्रज्ञ वेर्नर हायसेनबर्ग यांचे निधन. (जन्म: 5 डिसेंबर 1901)
1981: डग्लस एअरक्राफ्ट कंपनी चे संस्थापक डोनाल्ड विल्स डग्लस सिनियर यांचे निधन. (जन्म: 6 एप्रिल 1892)
1995: नाटककार, चित्रपट दिग्दर्शक व पत्रकार मोतीराम गजानन तथा मो. ग. रांगणेकर यांचे निधन. (मृत्यू: 10 एप्रिल 1907)
2003: भारतीय वंशाच्या अमेरिकन अंतराळवीर कल्पना चावला यांचे निधन. (जन्म: 1 जुलै 1961)
2012: संगीतकार व संगीत संयोजक अनिल मोहिले यांचे निधन.